“ወላጆች ለልጆቻቸው እምነትን ማስተማር እና ማውረስ ይኖርባቸዋል” ር.ሊ.ጳ ፍራንቸስኮስ

በጎርጎሮሳዊያኑን የቀን አቆጣጠር ባሳለፍነው ሳምንት በተከበረው የጌታችን ኢየሱስ ክርስቶስ በዮርዳኖስ ወንዝ በመጥምቁ ዮሐንስ እጅ የተጠመቀበት የጥምቀት በዓል ላይ ርዕሰ ሊቃነ ጳጳሳት ፍራንቸስኮስ ባሳረጉት መስዋዕተ ቅዳሴ ላይ ያሰሙት ስብከት እነሆ

ምንጭ፡ Vativan News

በምስጢረ ጥምቀት ስነ-ስረዓት መግቢያ ላይ “ለልጆቻችሁ ምን ትጠይቃላችሁ?” ተብሎ ለቀረበላችሁ ጥያቄ ሁላችሁም በጋራ “እምነት” ብላችሁ መልሳችኋል። እናንተ ቤተክርስቲያን ለልጆቻችሁ እምነት እንድትሰጥ ጠይቃችኋል፣ እናም ዛሬ የእመነት ስጦታ የሆነውን መንፈስ ቅዱስን እያንዳንዳችሁ በልቦናችው እና በነፍሳችሁ ውስጥ ይህንን የእምነት ስጦታ ትቀበላላችሁ። ነገር ግን ይህ እመነት ማደግ ይኖርበታል። ምን አልባት አንድ ሰው አዎን አዎን ይህ ጉዳይ ጥናት ያስፈልገዋል ብሎ ሊመልስ ይችል ይሆናል። እውነት ነው የትምህርተ ክርስቶስ አስተምህሮ በምንማርበት ወቅት ስለእምነት ምንነት በሚገባ እንማራለን። ነገር ግን ይህንን የትምህርተ ክርስቶስ አስተምህሮ ልጆቻችሁ ከመውሰዳቸው በፊት ስለእምነት ከእናንተ ሊማሩ ይገባል፣ ይህም የወላጆች ኃላፊነት ነው። ዛሬ እናንተ ወላጆች የምትወስዱት ኃላፊነት ይህ ነው፣ እምነትን ለልጆቻችሁ ማስተላለፍ እንዳለባችሁ በሚገባ መረዳት ይኖርባችኋል። ይህንን የምታደርጉት ደግሞ በቤታችሁ ውስጥ ነው። ምክንያቱም እምነት ሁልጊዜም ቢሆን ግልጽ በሆነ መልኩ “በእናት ቋንቋ”፣ በቤተሰብ ቋንቋ፣ በቤታችን ቋንቋ፣ የቤታችንን አጠቃላይ ሁኔታ ከግምት ባስገባ መልኩ ሊተላለፍ ይገባዋል።
ይህ የእናንተ ተግባር ነው – እምነትን ምሳሌያዊ በሆነ መልኩ በሕይወት በመግለጽ፣ በተጨማሪም በቃላት፣ በመስቀል ምልክት ማማተብ እንዴት እንደ ሆነ ለልጆቻችሁ በማስተማር ማስተለፍ ይኖርባችኋል። ይህ በጣም አስፈልጊ የሆነ ጉዳይ ነው። እስቲ ለአንድ አፍታ ተመልከቱ፡ የመስቀል ምልክት በማድረግ ማማተብ የማይችሉ ሕጻናት እንዳሉ አሁን መመልከት ትችላላችሁ። “እስቲ የመስቀል ምልክት በማድረግ አማትብ” ብለን አንድ ሕጻን እዚሁ ብንጠይቅ፣ ምን አልባት ምን ማለት እንደ ሆነ መረዳት የሚያዳግት ምልክት ሊያሳዩን ይችላሉ። በዚህም ምክንያት በቅድሚያ ወላጆች ለሕጻናት ማድረግ የሚጠበቅባቸው ነገር “የመስቀል ምልክት በማድረግ” ማማተብ ይችሉ ዘንድ ልጆቻቸውን ማስተማር መሆን ይኖርበታል። ነገር ግን ከሁሉም በላይ አስፈላጊ የሆነ ነገር እምነትን በሕይወታችሁ መግለጽ ነው፣ ሕጻናት በባለትዳሮች መካከል ያለውን ፍቅር ማየት ይፈልጋሉ፣ ሕጻናት በቤት ውስጥ ሰላም እንዳለ ማየት ይፈልጋሉ፣ ሕጻናት ኢየሱስ በዚያ ቤት ውስጥ እንዳለ ማየት ይፈልጋሉ። በዚህ አጋጣሚ አንድ ነገር እንድመክራችሁ ፍቀዱልኝ፣ ይህንን በመናገሬ ይቅርታ አድታደርጉልኝ በቅድሚያ ጠይቃለሁኝ- እባካችሁን በፍጹም በሕጻናት ፊት ሆናችሁ አትጋጩ/አትከራከሩ።
በትዳር ውስጥ መከራከር ወይም መጋጨት ያለ ነገር ቢሆንም፣ ነገር ግን ይህንን በፍጹም በሕጻናት ፊት ሆናችሁ አታድርጉት፣ ለብቻችሁ ስትሆኑ ወይም ሕጻናት በሌሉበት ቦታ ሆናችሁ አድርጉት። አንድ ልጅ ወላጆቹ ሲጨቃጨቁ ሲመለከት የሚደርስበትን ሥቃይ ከፍተኛ ነው። እምነታችን በተግባር ለማስተላፍ የሚረዳን ምክር ልለግሳችሁ። መጨቃጨቅ በጣም መጥፎ የሆነ ነገር ነው አይደል? ይሁንና መጨቃጨቅ መጥፎ ነገር ቢሆንም ቅሉ ነገር ግን ያለ እና የሚኖር ጉዳይ ነው። ነገር ግን ስንጨቃጨቁ ሕጻናት እንዳይጨነቁ፣ እንዳይደነግጡ በመካከላችሁ በሚፈጠሩ አለመግባባት ምክንያት የምትደርጉትን ንግግር ሕጻናት እንዳያዩት ማድረግ ይኖርብናል።
ይህንን ካልን በኋላ አሁን ደግሞ የምስጢረ ጥምቀት አሰጣጥ ስነ-ስረዓታችንን እንጀምራለን፣ አንድ ነገር በጭንቅላታችሁ ውስጥ ማኖር ይኖርባችኋል፣ እምነትን ማስተላለፍ የእናንተ የወላጆች ተግባር ነው። ይህንንም ማድረግ የምትጀምሩት በቤታችሁ ውስጥ ነው፣ ምክንያቱም ስለእምነት የምንማረው በቤታችን ውስጥ ነው፣ ስለእምነት በትምሕርተ ክርስቶስ አስተምህሮ የምንማረው ከዚያን ቀጥሎ ነው፣ ከሁሉም በላይ ስለእምነት የምንማረው በቤታችን ውስጥ ነው። ስለዚህ እምነታችሁን ማስተላለፍ የእራሳችሁ ተግባር መሆኑን በጥልቀት በመገንዘብ በዚህ ሐሳብ ወደ ምስጢረ ጥምቀት አሰጣጥ ስነ-ስረዓት እንሄዳለን።

Leave a Reply

Your email address will not be published. Required fields are marked *