19ኛውን የምስራቅ አፍሪካ የካቶሊክ ጳጳሳት ጉባኤዎች ህብረት ጉባኤን በማስመልከት ከኢትዮጵያ ካቶሊካዊት ቤተክርስቲያን የተሰጠ መግለጫ

የኢትዮጵያ ካቶሊካዊት ቤተክርስቲያን 19ኛውን የምስራቅ አፍሪካ ጳጳሳት ጉባኤዎች ህብረት (አመሰያ) ጉባኤ ከሐምሌ 6 – 16 ቀን 2010 ዓ.ም. በአዲስ አበባ ለማስተናገድ ዝግጅቷን አጠናቃለች፡፡ አመሰያ 9 አባል ሀገራት ያሉት ሲሆን እነሱም ኢትዮጵያ፤ ኤርትራ፣ ሱዳን፣ ደቡብ ሱዳን፣ ኬንያ፣ ኡጋንዳ፣ ታንዛኒያ፣ ዛምቢያና ማላዊ ሲሆኑ ሶማሊያና ጅቡቲ ደግሞ ተባባሪ አባላት ናቸው፡፡ የኢትዮጵያ ካቶሊካዊት ቤተክርስቲያን የአመሰያ ጉባኤን ለማስተናገድ ከ57 ዓመታት በዃላ ለመጀመሪያ ጊዜ እድሉን ያገኘች ሲሆን ጳጳሳት፣ ካህናት፣ ገዳማዊያን/ያት፣ ምእምናን በታላቅ ጉጉት ሲጠብቁት ቆይተዋል፡፡ አሁን ጊዜው ደርሶ እግዚአብሔር ይህን እድል ስለሰጠን እናመሰግነዋለን፡፡
የአመስያ ጠቃላላ ጉባኤ በመላው የምስራቅ አፍሪካ የካቶሊካዊት ቤተክርስቲያን ለምታከናውናቸው ሐዋርያዊና ማህበራዊ ስራዎች አቅጣጫ የምትይዝበትና ጳጳሳት ውሳኔዎችን የሚያስተላልፉበት በየአራት አመት የሚካሄድ ጉባኤ ነው፡፡ ስለዚህ የአመስያ ጉባኤ መሪ ቃል የምስራቅ አፍሪካ የወቅቱን ነዳራዊ ሁኔታ በማጥናት የሚመረጥ ሲሆን ያን መሰረት በማድረግ ቤተክርስቲያን ከህዝብ ጎን ቆማ ለሁኔታው መፍትሄ ማግኘት የበኩሏን ድርሻ እንዴት መወጣት እንደምትችል ታጠናለች፡፡
የ19ኛው ጉባኤ መሪ ቃልም “በእግዚአብሔር ላይ የተመሠረተ ሕያው ብዝኃነት ሰብአዊ ክብርና ሰላማዊ አንድነት ለምስራቅ አፍሪካ ሀገራት” የሚል ነው፡፡ የሰው ልጆች በዘር፣ በቋንቋ፣ በቀለም መለያየት ታላቅ የእግዚአብሔር የፍጥረት ሥራ ጥበብ መገለጫ ነው፤ ሁላችንንም እግዚአብሔር በአምሳሉ የፈጠረን ሲሆን ልዩነታችንም ከፈጣሪያችን ያገኘነው ነው፡፡ ነገር ግን ይህንን ልዩነት መነሻ በማድረግ በተለያዩ የምስራቅ አፍሪካ ክፍሎች ግጭቶች ተነስተው ንብረት ይወድማል፣ ብዙዎች ይፈናቀላሉ፣ የብዙዎች ሕይወት ይጠፋል፡፡ ልዩነታችን እርስ በእርስ የምንማማርበት እሴታችን እንደመሆን ፈንታ የጥላቻ ምክንያት ሲሆን ይታያል፡፡ የምስራቅ አፍሪካ ካቶሊክ ጳጳሳትም ይህንን አርእስት ለጉባኤያቸው መሪ ቃል አድርገው የመረጡት በዚህ ወቅት በአህጉራችን በተለይም በምስራቅ አፍሪካ ቀጠና ህዝቦች ውብ የሆነውን ብዝኃነታችን የእግዚአብሔር ስጦታ እንደሆነ ተገንዝበው በእግዚአብሔር ላይ የተመሰረተ የሰው ልጆችን ሁሉ ክብር የጠበቀ ሰላማዊ አንድነት እንዲኖር በተለይ ካቶሊክ ቤተክርስቲያን ምን መስራት አለባት በሚለው ዙሪያ ለመወያየትና መፍትሄ ለማምጣት በማሰብ ነው፡፡ በተለይም የካቶሊክ ቤተክርስቲያን ከሌሎች የእምነት ተቋማት ጋር፣ ከመንግስታትና ከአፍሪካ ሕብረት ጋርም በመተባበር በጋራ እንዴት መስራት እንዳለባት በዚህ ጉባኤ ይወያያሉ፡፡

19ኛው የአመሰያ ጉባኤ ለቀጣዮቹ 4 ዓመታት በምስራቅ አፍሪካ የምትገኘው የካቶሊክ ቤተክርስቲያን ለምታከናውናቸው ሐዋሪያዊና ማህበራዊ ስራዎች ብዝኃነትን በተገቢው መንገድ ማስተናገድ እንዲቻል አቅጣጫ የምታሳይበትና ጳጳሳት ልዩ ልዩ ውሳኔዎች የሚያስተላልፉበትም ጭምር እንደመሆኑ መጠን በምስራቅ አፍሪካ ያሉ ነባራዊ ሁኔታዎችን በግልፅ የሚዳስሱ ጥናታዊ ፅሁፎች በሊቃዉንት ይቀርባሉ፡፡ ወጣቶችና ልዩ ልዩ የህብረተሰብ ክፍሎች ተወካዮች ትኩረት ሊሰጣቸው ይገባል የሚሏቸዉን ጉዳዮች ለውይይት ያቀርባሉ የመፍትሄ ሃሳቦችንም ያካፍላሉ፡፡ በተለይም የካቶሊክ ቤተክርስቲያን ርዕሰ ሊቃነ ጳጳሳት የሆኑት የብፁዕ ወቅዱስ አቡነ ፍራንቼስኮስ ተወካይ ከቅድስት መንበር ቫቲካን በመምጣት በጉባኤው ስለሚሳተፉ በሚተላለፉት ውሳኔዎች ሁሉ የርዕሰ ሊቃነ ጳጳሳት ቡራኬ ይኖራል፡፡ በተለይም በቅርቡ ርዕሰ ሊቃነ ጳጳሳት ስለሃገራችን ኢትዮጵያና ስለ ጎረቤት ሃገር ኤርትራ ሰላማዊ ግንኙነት በቅዱስ ጴጥሮስ አደባባይ ጸሎት ያደረሱ ሲሆን ይህንን የሰላም ግንባታ ጥረት በተመለከተም የእርሳቸው ልዩ መልዕክትና ቡራኬ ይኖራል፡፡
እንደሚታወቀው በቀጠናችን በተለያዩ ምክንያቶች ግጭቶች ሲፈጠሩ ቤተክርስቲያናችን ከህዝብ ጎን ቆማ የሰላም ድልድይ በመሆን ታገለግላለች፤ በቅርቡ በደቡብ ሱዳን ይህንኑ እያደረገች የቆየች ሲሆን ከዚህ ቀደም በአገራችን ኢትዮጵያና ጎረቤት ኤርትራ ግጭት በተነሳበት ጊዜም የሁለቱ ሀገራት የጳጳሳት ጉባኤዎች በየጊዜው በመገናኘት የህዝቡን ሁኔታ በማንሳት ሲወያዩና በጋራ የሰላም ጸሎት ሲያደርጉ ቆይተዋል፡፡ አሁንም የሰላም ድልድይ ሆና ለመቀጠል የካቶሊክ ቤተክርስቲያን የምታደርገውን ጥረት ሁሉም በጎ ፈቃድ ያላቸው ወገኖች ሁሉ እንዲተባበሩ ጥሪዋን ታቀርባለች፡፡ ምእመናንም እንደተለመደው ሁሉ በጸሎት መትጋታቸውን እንዲቀጥሉ አደራ ትላለች፡፡
በ19ኛው ጉባኤ ለመሳተፍ ከ300 በላይ የሚሆኑ ጳጳሳት፣ ካህናት፣ ገዳማዊያንና ገዳማዊያት ምእ

Ethiopia launches the Logo for the 19th AMECEA Plenary

መናንና የአጋር ድርጅቶች ፕሬዚደንቶች ከምስራቅ አፍሪካና ከተለያዩ የዓለማችን ክፍሎች ወደ ኢትዮጵያ ይመጣሉ፡፡
በተለይም አብዛኞቹ የምስራቅ አፍሪካ ወንድሞቻችንና እህቶቻችን ኢትዮጵያን ባላት ታሪክ እጅግ የሚወዷትና ለጎበኟት የሚሹ ሲሆኑ የአመሰያን ጉባኤ በኢትዮጵያ ተስተናግዶ ወደዚህ የሚመጡበት እድል እንዲፈጠር ሲመኙ ቆይተዋል፡፡ ስለሆነም ከዚህ ቀደም ለየት ባለ ሁኔታ ከየአገራቱ ቁጥራቸው በርከት ያለ ጳጳሳትና የቤተክርስቲያን መሪዎች በ19ኛው ጉባኤ ይሳተፋሉ፡፡
በተለይም አብዛኞቹ የምስራቅ አፍሪካ ወንድሞቻችን እና እህቶቻችን ኢትዮጵያን ባላት ታሪክ እጅግ የሚወዷትና ሊጎበኟት የሚሹ ሲሆኑ የአመስያን ጉባኤ በኢትዮጵያ ተስተናግዶ ወደዚህ የሚመጡበትን እድል እንዲፈጠር ሲመኙ ቆይተዋል፡፡ ስለሆነም ከዚህ ቀደም ለየት ባለ ሁኔታ ከየአገራቱ ቁጥራቸው በርከት ያለ ጳጳሳትና የቤተክርስቲያን መሪዎች በ19ኛው ጉባኤ ይሳተፋሉ፡፡
እንዲሁም ከእንግዶቻችን የሁላችንም ኢትዮጵያውያን እንግዶች ስለሆኑ የሀገራችንን መልካም መንፈሳዊነት፣ ባህልና እሴት ከእነርሱ ጋር ተካፍለን መልካምና ለሕይወት ጠቃሚ የሆነ ትዝታ ይዘው ወደ ሀገራቸው በሰላም እንዲመለሱ በምናደርገው መስተንግዶ የሁሉም ትብብር እንደማይለየን እናምናለን፡፡ ላለፉት 4 ዓመታት ለተደረገው ዝግጅት መላው የኢትዮጵያ ካቶሊካዊት ቤተክርስቲያን ጳጳሳት፣ ካህናት፣ ደናግል፣ ምዕመናን፣ በጎ በጎ ፈቃድ ያለቸው ግለሰቦችና ድርጅቶች እንዲሁም የኢትዮጵያ መንግስት ድጋፍና ጥረት ሁሉ በእግዚአብሔር ስም እናመሰግናለን፡፡ ይህን የሰላም ጥሪ የያዘ የአመሰያ መልዕክትንም ለህዝብ እንዲደርስ ስለምታደርጉ የሚዲያ ባለሞያዎችና ተቋማትን እጅግ እናመሰግናለን፤ እግዚአብሔር አገልግሎታችሁን ይባርክ፡፡
ይህ ጉባኤም በይፋ የሚከፈተው እንደ ቤተክርስቲያናችን ደንብ በጸሎተ-ቅዳሴ ሲሆን በሐምሌ 8 ቀን 2010 ዓ.ም. uኢትዮጵያ ካቶሊካዊት ቤተክርስቲያን ረዳኢተ ማርያም ቁምስና ከቅድስት መንበር ቫቲካን የርዕሰ ሊቃነ ጳጳሳት ብፁዕ ወቅዱስ አቡነ ፍራንቼስኮስ ተወካይና የኢ.ፌ.ዲ.ሪ ከፍተኛ የመንግስት ሃላፊዎች በክብር እንግድነት እንዲሁም የጉባኤው ተሳታፊዎችና ከሁሉም ሃገረስብከቶች የሚመጡ ካቶሊካዊያን ምእመናን እና ጥሪ የሚደረግላቸዉ እንግዶች በተገኙበት በደማቅ ስነ-ስርዓት ይካሄዳል፡፡ በዚህ አዳጣሚ ቀደም ብለን የመክፈቻ ሥነስርዓቱ በሚሊኒየም አዳራሽ እንደሚካሄድ መልዕክት አስተላልፈን ነበር ነገር ግን የመክፈቻ ሥነስርዓቱ ቦታ መቀየሩን ለማሳወቅ እንወዳለን::
በመጨረሻም የ19ኛውን ጉባኤ አላማ ለማሳካትና ሁላችንም በትብብር ለመስራት ይረዳን ዘንድም የጉባኤው ውሳኔዎችና የምስራቅ አፍሪካ የካቶሊክ ጳጳሳት መልዕክት ለመላው የምስራቅ አፍሪካና የአገራችን ህዝብ እናሳውቃለን፡፡ ጉባኤው በመንፈስ ቅዱስ ተመርቶ በአህጉራችን በተለይም በቀጠናችን ማንኛውንም ዓይነት ልዩነቶችና ጥላቻ እንድናስወግድ እንዲሁም በሁከትና ጠብ ምክንያት የተፈጠሩ ቁስሎች እንዲፈወሱ፣ ይቅር ባይነት እንዲስፋፋ፣ የተለያዩ ነገዶችና የዘር ልዩነቶች የእግዚአብሔር ፀጋ መሆኑን እንድንረዳ እንዲያደርገንና በእግዚአብሔር የተመሰረተ ህያው ብዝኃነት ሰብአዊ ክብር ሠላማዊ አንድነት በምሥራቅ አፍሪካ እንዲነግስ የእግዚአብሔር መልካም ፍቃዱ ይሁን፡፡ እያንዳንዳችንም ለዚህ ዓላማ መሣካት ግዴታችንን እንወጣ፤ በጸሎትም እንትጋ፡፡

እግዚአብሔር ኢትዮጵያንና ሕዝቦቿን ይባርክ!

Leave a Reply

Your email address will not be published. Required fields are marked *